Традыцыі школы
Важным сродкам выхавання ў школе з'яўляюцца традыцыі, якія не толькі фарміруюць агульныя інтарэсы, надаюць пэўную трываласць жыццядзейнасці школы, але і надаюць школе тое асаблівае, непаўторнае, што адрознівае нашу школу ад іншых і тым самым гуртуе школьны калектыў, узбагачаючы яго жыццё. У нашай школе склаліся багатыя традыцыі. Да іх можна аднесці як мерапрыемствы, якія праводзяцца штогод, так і сістэму адносін, якая склалася паміж настаўнікамі, вучнямі і бацькамі.
Дзень ведаў
1 верасня - незвычайны дзень. Па вуліцы спяшаюцца да школы з букетамі кветак вучні. Па традыцыі ва ўсіх школах нашай Радзімы ў гэты дзень для першакласнікаў прагучыць першы званок. Ён пакліча за сабой у доўгае і займальнае падарожжа па краіне ведаў. Вялікае свята, якое праводзіцца на вуліцы з удзелам усіх вучняў, настаўнікаў, бацькоў, выпускнікоў, гасцей. Традыцыйным з'яўляецца з'яўленне на свяце казачных герояў з сюрпрызамі, пажаданнямі, падарункамі.
"Дзень здароўя"
Мэта мерапрыемства - далучэнне да здаровага ладу жыцця. Ажыццяўляюцца рознаўзроставыя зносіны ў сумеснай дзейнасці. Спартыўныя гульні, эстафеты на свежым паветры.
Канцэрт да Дня настаўніка
Мерапрыемства праходзіць ва ўрачыста аформленым памяшканні. Вучні віншуюць любімых настаўнікаў, ветэранаў педагагічнай працы. Дораць восеньскі букет з музычных нумароў, танцаў, прыемных сюрпрызаў. Адбываецца яшчэ адно пашырэнне дыяпазону творчых зносін.
"Мама-сонейка маё!"
Канцэрт да Дня Маці. Гэта мерапрыемства аб'ядноўвае ўсіх вучняў у падрыхтоўцы творчых нумароў, віншаванняў для любімых мам. Кожны клас рыхтуе святочную газету аб сваіх любімых мамах.
Навагодні калейдаскоп
Падрыхтоўка займае цэлы месяц. Гэта ўжо прадчуванне свята. У малодшых класах пачынае працаваць майстэрня Дзеда Мароза. Цацкі, якія змайструюць навучэнцы, пасля ўпрыгожаць школьную ёлку і класныя пакоі. Сярод навучэнцаў сярэдняга звяна праводзіцца конкурс навагодняга малюнка. Старэйшыя класы рыхтуюць навагоднія газеты. Гэтае свята чакаюць як дзеці, так і старшакласнікі.
"Вахта памяці"
У рамках Вахты праходзяць урокі мужнасці і славы, выставы малюнкаў «абаронцы Айчыны», выпуск баявых лісткоў, конкурс патрыятычнай песні «І памяць нам спакою не дае», спартыўныя гульні.
Вечар сустрэчы выпускнікоў
Родная школа сустракае сваіх выпускнікоў розных гадоў. Вялікая падрыхтоўка ператвараецца ў цёплую конкурсна-забаўляльную праграму. На некалькі гадзін школьныя артысты вяртаюць усіх у свет школьнага дзяцінства.
Міжнародны дзень 8 сакавіка
Міжнародны жаночы дзень - дзень вясны, дзень кветак і ўсмешак. Вядома ж, у школе гэтае свята асабліва любім, бо асноўны настаўніцкі састаў, як правіла, жанчыны. Акрамя таго, ёсць лішняя нагода зладзіць свята сваім мамам, бабулям, паказаць свае таленты.
Правядзенне прадметных тыдняў
Алімпіяды па прадметах, віктарыны, выпуск газет, постэраў, конкурсы малюнкаў, твораў, абарона праектаў, тэматычныя канферэнцыі, тэатральна-музычныя прадстаўленні прраводзяцца для павышэння цікавасці навучэнцаў да атрымання ведаў,
Дзень Перамогі
Свята, прысвечанае Дню Перамогі - адзін з самых важных дзён у годзе не толькі ў школе, але і для ўсіх жыхароў вёскі. Яго называюць яшчэ "Нацыянальнае свята вёскі Брынёў". У гэты дзень не ўбачыце ніводнага жыхара ў полі або на агародзе, бо ўсе жыхары збіраюцца ў мясцовым парку да помніка, дзе пахаваны салдаты Вялікай Айчыннай вайны: мітынг, святочны канцэрт, спартыўныя гульні і г.д. Дзеці павінны ведаць, праз якія жахі, разруху, пакуты, голад і смерць прайшлі іх бабулі і дзядулі, а для многіх ужо прабабулі і прадзядулі, дзень ўсенароднага гонару і ўсенароднага смутку. Дзень заканчэння страшнай, бязмерна жорсткай вайны.
Апошні званок
Праводзіць урачыстую цырымонію з нагоды заканчэння школы стала традыцыяй. Не выпадкова гэта мерапрыемства называюць «Апошнім званком». Мы прывыклі рэгуляваць школьнае жыццё па званках. Менавіта званок вызначае пачатак і канец урока, з першага званка пачынаецца наша навучанне ў школе. І здаецца, што ніколі не дачакацца таго моманту, калі школьныя гады будуць скончаны. Аднак адзінаццаць гадоў пралятаюць досыць хутка, і вось ужо звініць званок, апавяшчае, што заканчваецца самы апошні ў жыцці вучняў школьны ўрок. Ён служыць сімвалам, які адкрывае наперадзе новы шлях, падводзіць рысу звыклага жыцця: урокі, кантрольныя, адзнакі, дзённікі, адказы каля дошкі, дамашнія заданні, школьныя мерапрыемствы – усё гэта ўжо ў мінулым. Развітальныя песні, развітальныя фота... "Апошні званок" становіцца мяжой паміж двума этапамі лёсу – заканчэннем вучобы і пачаткам новага, яшчэ невядомага, дарослага жыцця.
Традыцыі школы захоўваюць вечнае каштоўнае: пераемнасць пакаленняў, любоў і павагу да гісторыі роднай школы, імкненне прымнажаць яе славу... Менавіта тая школа, якая імкнецца стварыць для сябе добрае імя і праз традыцыі зберагчы гэтае добрае імя, мае будучыню.